Siida Shop

Musea- ja luonddugávppáš Siida Shopis leat vuovdimassii sámekultuvrii ja Lappi lundui laktáseaddji buktagat.

Min máŋggabealat fálaldagas leat duojit, luonddu ja sámekultuvrra gieđahalli girjjálašvuohta, sámegielat girjjálašvuohta (maid mánáidgirjjit), musihkka, kárttát ja boastakoarttat.

Duojit ja čiŋat miehtá Sámi

Mii čuovvut ehtalaš turismma ja gávppi prinsihpaid go mii váldit buktagiid vuovdimassii iežamet gávpái. Mis leat buktagat duojáriin ja designeriin miehtá Sámi. Čiŋat ja duojit leat dávjá dušše dihto mearri. Mis gávnnat sihkkarit eakti mátkemuittožiid ja skeaŋkkažiid.

Kárttát vánddardeaddjiide

Mis leat maid ollu iešguđetlágan kárttát Lappi buoremus vánddardanbáikkiin ja maiddái vánddardangeainnuin ja -bálgáin mat ollet gitta Norgga ja Ruoŧa beallai. Jos leat nappo áigumin vánddardit, de Siida Shop lea buorre báiki bisánastit, bosihit ja dievasmahttit reaidduid ja biergasiid.

Oahpásmuva min buktagiidda Instagramas

Siida Shop -gávppážis ii leat neahttagávpi. Min buktagiidda sáhttá oahpásmuvvat Instagramas, ja museagávppi buktagiid sáhttá diŋgot e-poasttas siidashop(at)samimuseum.fi. Mii sáddet buktagiid dušše Supmii.

Mii ohcat ovttasbargoguimmiid

Mii ohcat ovttasbargoguoibmin hutkás ja čeahpes hábmejeaddjiid ja dáiddáriid. Min ulbmilin lea ođasmahttit Siidda museagávppi buktagiid fálaldaga dakkár buktagiin, maid mii buvttadat ieža. Jos leat hutkái ja dáiddalaččat čeahppi, de dá lea dutnje máilmmi buorre vejolašvuohta beassat dahkat juoidá ođđa.

Hábmejeaddji dahje dáiddár sáhttá smiehttat olles buvttabearraša dahje ovttaskas buktagiid, degomat sárgut govaid boastakoarttaide ja T-báiddiide. Leaččat dal ámmátolmmoš, studeanta dahje vaikkoba oppa eallinagi sárggodan govaid dušše iežat illun, de mii leat beroštuvvan justa du čehppodagas. Mis leat maiddái ollu iešguđetlágan jurdagat, ja don fas soaittát leat justa dat gean mii ohcat ollašuhttit daid! Midjiide sáhtát fállat vuovdit maid gárvves buktagiid, unnit dahje stuorát meari.

Váldde áinnas oktavuođa ja muital midjiide iežat birra. Mii háliidat oaidnit makkár bargguid leat dán rádjai bargan. Gii leat? Gos boađát ja makkár lea du stiila? Sáhtát sáddet midjiide liŋkka iežat portfolioi dahje vaikkoba Instagram-kontui. Sáhtát áinnas maid soahpat deaivvadeamis ja boahtit muitalit bargguidat birra Siidii.

Go mii leat gávdnan rivttes ovttasbargoguimmiid, de mii álgit bargui. Gárvves buktagat gávdnojit áibbas ođđa Siidda museagávppis 1.4.2022! Ohcanáigi lea olles áigge, nappo váldde áinnas oktavuođa! Muhto ále ájahala!

Váldde oktavuođa e-boastta bokte siidashop(a)samimuseum.fi dahje riŋges nummirii 0400 328133/ Museagávppis vástideaddji Satu Airola

Bures boahtin Siida Shop -gávppážii!

Min bargit veahkehit hui mielas gávppašeames ja muitalit lasi buktagiin.

Oktavuođadieđut:

Siida Shop/ Sámemusea, tel. 0400 898 212, siida(at)samimuseum.fi
Siida Shop/ Meahciráđđehusa luondduguovddáš, tel. 020 639 7740, siida(at)metsa.fi