Sámemusea Siidda searvvušlaš Ellos min árbi -fidnu čielggada, mo ruoktot máhccan sámedávvirat šaddet buoremusat oassin ealli sámekultuvrra. Fitnuin Siida nanne plánejuvvon álbmotlaš ja riikkaidgaskasaš repatriašuvnnabarggu, mas sámečoakkáldagat máhccet sámeservošii Sápmái.
Fidnus dutkat ja ovddidit sápmelaš vugiid prosesseret dávviriid máhcaheami ovttas servošiin. Ulbmilin lea almmustahttit dieđu ja dutkanbohtosiid, maid eará eamiálbmotmuseat ja fáttás beroštuvvan museat sáhttet atnit ávkin. Fitnu boađusin šaddá repatriašuvnna ja rematriašuvnna gieđahalli johttičájáhus, dieđalaš artihkkalat, buoremus vuogádagat -oahpistangirji, podcast-ráidu ja riikkaidgaskasaš konfereansa repatriašuvnna fáttás.
Fidnus ovddidit rematriašuvnna, mas museadávvirat máhccet materiálalaččat ja immateriálalaččat oassin ealli kultuvra. Suoma kulturfoandda Museovisio-fidnuin mii sámáidahtiimet min váldočájáhusa Enâmeh láá mii párnááh – Eatnamat leat min mánát. Dál vuorus lea dávviriid máhcaheami ja searvvušlašbarggu sámáidahttin, mas ávkašuvvá olles museamáilbmi!
Fitnu ruhtada Suoma kulturfoanda.
Prošeaktaáigi 1.10.2025 – 30.9.2028