Sámemusea Siida muitala sápmelaččaid eallimis ikte, odne ja ihttin. Mii leat riikkaviidosaš vástomusea sámekultuvrra spesiálasuorggis ja guvllolaš vástomusea kulturbirasáššiin sápmelaččaid ruovttuguovllus. Mii vurket iežamet čoakkáldagaide Suoma sápmelaččaid vuoiŋŋalaš ja ávnnaslaš kultuvrra ja čájehit dan čájáhusain ja almmustahttimiin. Min guovddáš ulbmilin lea doarjut sápmelaš identitehta ja kultuvrralaš iešdovddu.
Mii ohcat hárjánan gulahallanáššedovdi ovddidit gulahallama ja nannet Siidda riikkaidgaskasaš oktavuođaid. Gulahallanáššedovdi bargguin beasat váikkuhit Siidda olgguldas ja siskkáldas beaggimii. Bargui gullet sihke strategalaš gulahallama ja geavatlaš gulahallama barggut. Beasat hukset Siidda gulahallanstrategiija ja ovddidit min gulahallankánalaid ja vuorrováikkuhusa.
Du bargun lea vástidit Siidda gulahallamis siskkáldasat ja olggosguvlui, ja maiddái čanunsjavkodoaimma koordineremis ja ovddideamis. Du barggut álget gulahallanstrategiija válmmaštallamiin ja gulahallankanálaid ođasmahttimiin. Dus lea ovddasvástádus dikšut Siidda suopmelaš ja riikkaidgaskasaš mediagaskavuođaid. Oassálasttát gulahallanáššedovdin jođiheami ja bargokultuvrra ovddideapmái. Barggus beasat ovttasbargat musea máŋggaámmátlaš kollegaiguin ja sámeservodagain ja maiddái riikkaidgaskasaš gussiiguin.
Maid mii gáibidat dus?
– Unnimusat njealji jagi bargohárjánumi gulahallanbargguin
– Heivvolaš allaskuvladutkosa
– Strategalaš gulahallama máhtu, áddejumi dán beaivvi gulahallansuorggis ja hárjánumi
gulahallanbálvalusaid skáhppomis
– Máhtát buvttadit sisdoalu digitála gulahallankanálaide ja sosiála media bálvalusaide
– Máhtát sámegiela ja dovddat sámekultuvrra
– Suoma-, sáme- ja eaŋgasgiela njuovžilis čálalaš máhtu
– Erenomáš vuorrováikkuhus- ja ovttasbargodáidduid
– Movtta ovddidit Siidda bargoservoša ja ovttasbargofierpmádaga
– Vásttolaš bargovuogi ja dáhtu čoavdit áššiid.
Maid mii fállat dutnje?
– Dehálaš ja miellagiddevaš ođđa barggu Siiddas
– Bargovejolašvuođa museas, mii lea bálkkašuvvon sihke Suomas ja olgoriikkain
– Máŋggaámmátlaš bargoservoša ja čeahpes bargoguimmiid
– Miellagiddevaš ja ođđaáigásaš bargobirrasa
– Hybridabargovejolašvuođa
– Lihkadanovddu.
Gulahallanáššedovdi bálká vuođđuduvvá skuvlejupmái ja máhttui ja sáhtát ovdanbuktit maiddái bálkásávaldaga.Sámegielmáhtus máksojuvvo giellalassi giellamáhtu mielde 80 € dahje 140 €/mb. Barggus lea guđa mánotbaji geahččalanáigi. Bargu álgá 16.3.2026 dahje soahpamuša mielde.
Ohcamušaid ja CV bivdit doaimmahit maŋimustá 20.2.2026 dii 12 šleađgapoastačujuhussii: rekry(at)samimuseum.fi. Ohccit jearahallojit Sámemusea Siiddas Anáris 4.–5.3.2026.
Lassedieđuid addá:
Museahoavda Taina Máret Pieski p. 050 535 1574 (báikki alde 18.–19.2.)