Sámemusea Siida muitala sápmelaččaid eallimis ikte, odne ja ihttin. Mii leat riikkaviidosaš vástomusea sámekultuvrra spesiálasuorggis ja guvllolaš vástomusea kulturbirasáššiin sámiid ruovttuguovllus. Mii vurket iežamet čoakkáldagaide Suoma sápmelaččaid vuoiŋŋalaš ja ávnnaslaš kultuvrra ja čájehit dan čájáhusain ja almmustahttimiin. Min guovddáš ulbmilin lea doarjut sápmelaš identitehta ja kultuvrralaš iešdovddu.
Sámemusea Siida ohcá 5–6 mearreáigásaš áššehasbálvaleaddji geasse- ja ruškesesoŋŋii.
Livččetgo beroštuvvan bargat áššehasbálvaleaddjin Sámemusea Siiddas? Musea áššehasbálvalusas beasat bargat riikkaidgaskasaš áššehasgottiin máŋggalágan áššehasbálvalusbargguin. Áššehasbálvaleaddji bargguide gullá bileahtaid vuovdin čájáhusaide, Siida Shop museagávppi dikšun ja vuovdinbargu, joavkovárrejumiin fuolaheapmi, čájáhusaid gohcin, museagávppi sosiála media beaivideapmi ja máŋga eará áššehasbálvalusbarggu.
Mii fállat miellagiddevaš geassebarggu Sámemusea Siidda áššehasbálvalusas ja čeahpes bargoguimmiid, somás bargoservoša ja movttiidahtti bargobirrasa.
Makkár áššiid mii doaivut dus? Unnimustá njuovžilis eaŋgasgiela máhtu lea suomagiela lassin eaktun musea áššehasbálvalusbarggus. Árat hárjánupmi áššehasbálvalus- ja vuovdinbargguin ja sámekultuvrra dovdan ja sámegiel máhttu gehččojuvvojit ánsun. Mii atnit árvvus buorremielat ja movttegis bargovuogi ja buriid ovttasbargodáidduid ja návcca áddet iešguđetlágan diliid.
Bargu álgá oahpásmuhttimiin 28.5.2026 ja bargogaskavuohta bistá 30.9.2026 rádjai dahje soahpamuša mielde. Bargoáigi lea unnimustá 80 % nappo 91 diimmu golmma vahku periodas. Áššehasbálvaleaddji bálká lea unnimustá 13,11 €/diibmu. Sámegiel máhtus máksojuvvo giellalassi giellamáhtu mielde.
Ohcamušaid ja CV bivdit doaimmahit maŋimustá 23.2.2026 dii 15 šleađgapoastačujuhussii rekry(at)samimuseum.fi. Bivdit almmuhit ohcamušas sávaldaga barggu guhkkodagas. Jearahallamat dollojuvvojit 26.–27.2.2026 Teams-bokte dahje Sámemusea Siiddas.
Lassedieđuid Siiddas gávnnat www.siida.fi ja museagávppis birra www.siidashop.fi.
Lassedieđuid addá:
Áššehasbálvalusa ovddasvástideaddji Lotta Valtasaari, lotta.valtasaari(at)samimuseum.fi dahje t. 040 523 8988 (16.2. dii 12–16)