Mii ohcat allaskuvlahárjehalli kulturbirasbargui Sámemusea Siidii
Mii leat riikkaviidosaš vástomusea sámekultuvrra spesiálasuorggis ja guvllolaš vástomusea kulturbirasáššiin sápmelaččaid ruovttuguovllus. Mii vurket iežamet čoakkáldagaide Suoma sápmelaččaid vuoiŋŋalaš ja ávnnaslaš kultuvrra ja čájehit dan čájáhusain ja almmustahttimiin. Min guovddáš ulbmilin lea doarjut sápmelaš identitehta ja kultuvrralaš iešdovddu.
Allaskuvlahárjehalli váldobargun lea kulturbirasbálvalusaid arkeologalaš kulturárbebargu, nugo eanadatbarggut, dološmuitoregistara beaivideapmi ja bálvalusaid digitaliseren- ja arkiivabargu. Bargui sáhttet gullat maiddái eará museabarggut, nugo gulahallan musea sosiála mediain ja huksejuvvon kulturárbbi bagaduvvon barggut.
Min gáibádussan lea ahte dovddat arkeologalaš kulturárbbi ja sámekultuvrra ja ahte dus lea eanadatbargogelbbolašvuohta ja B-vuodjinkoartta. Dan lassin gáibidat dus buriid diehtoteknihkalaš dáidduid, fuolalašvuođa ja iešheanalašvuođa ja maiddái buriid vuorrováikkuhusdáidduid. Sámegiela máhttu gehččojuvvo ovdun.
Mii fállat dutnje vejolašvuođa bargat čeahpes bargoservoša ja kulturbirasbálvalusjoavkku lahttun ja bargovásáhusa sámeguovllu kulturbirasbarggus. Mii fállat njuovžilis bargoáiggiid ja veahkehit ohcat vistti.
Hárjehallan bistá soahpamuša mielde 2-3 mánotbaji, álggahan millosapmosit miessemánus 2026. Hárjehallama lea maiddái vejolaš čađahit guovtti oasis.
Áigi ja guhkkodat: miesse-čakčamánnu 2026
Bargoáigi: 38 diimmu vahkus
Bálká: 1500 €/kk
Maŋimuš ohcanbeaivi: 27.2.2026
Sádde friijahápmásaš ohcamuša ja CV šleađgapoasttain intendeanta Eija Ojanlatvai, eija.ojanlatva(at)samimuseum.fi bajilčállagiin: Ohcamuš allaskuvlahárjehallin. Ohccit jearahallojit 12.3.2026 Teams bokte.