Leatgo hálddahuslaš bargguid máŋggabealat áššedovdi, guhte movttáska das, ahte beasat ovddidit doaibmi hálddahusa ja doarjut olles bargoservoša máŋggabealat ja mávssolaš bargguin.
Mii ohcat hálddahusčálli fásta bargogaskavuhtii dikšut hálddahusa beaivválaš bargguid ja doaibmat museahoavdda assisteantan. Bargui gullá bargogaskavuođaáššiid, rekryterema, bargoveahkahárjeheami ja bargoveahkahálddahusa materiálaid válmmaštallan. Beasat oassálastit maid bargoveahkahálddahusa ja siskkáldas gulahallama ovddidanbargui. Doaimmat museahoavdda doarjjan čoahkkimiid, deaivvademiid ja mátkkiid válmmaštallamis ja eará veahkeheaddji bargguin. Dárbbu mielde doaimmat ekonomiijačálli sadjásažžan.
Maid mii vuordit dus:
- Heivvolaš ámmátallaskuvladutkosa
- Hárjáneami hálddahuslaš veahkeheaddji bargguin, omd. bargoveahkahálddahusa dahje hovdengotti čálli bargguin
- Earenoamáš buori organiserenmáhtu, iešráđálašvuođa ja fuolalašvuođa
- Buriid ovttasbargo- ja vuorrováikkuhusdáidduid
- Hálu ja máhtu bálvalit áššehasaid, ja maid soddjilvuođa rievddadeaddji diliin
- Buori diehtoteknihkalaš čehppodaga, dego Office 365, InDesign ja čehppodaga oahppat ođđa vuogádagaid
- Buori eaŋgalasgiela máhtu, eará giellamáhttu gávnnahuvvo ovdun
- Sámegiellamáhttu ja sámekultuvrra dovdan gávnnahuvvojit earenoamáš ánsun
Mii fállat dutnje:
- Mávssolaš ja miellagiddevaš ođđa barggu Siiddas
- Bargovejolašvuođa sihke ruovttueatnamis ja olgoriikkain bálkkašuvvon museas
- Máŋggafágalaš bargoservoša ja čeahpes bargoskihpáriid
- Miellagiddevaš ja ođđaáigásaš bargobirrasa
- Hybridabargovejolašvuođa
- Lihkadanovddu
- Bargodearvvašvuođabálvalusaid
- Astoáiggi dáhpedorbmedáhkádusa
Sámemusea Siida muitala sápmelaččaid eallimis ikte, odne ja ihttin. Mii leat riikkaviidosaš sámekultuvrra ovddasvástádusmusea ja guvllolaš ovddasvástádusmusea kulturbirasbargguin sámiid ruovttuguovllus. Mii gáhttet sámi kulturárbbi ja doarjut sámiid kultuvrralaš iešdovddu. Mii hukset boahttevuođaárbbi.
Hálddahusčálli bálká bargogaskavuođa álggus mearrašuvvá skuvlejumi ja bargohárjánumi mielde (2915–3105 €/mb). Sámegiellamáhtus máksojuvvo giellalassi giellamáhtu mielde 80 € dahje 140 euro/mb. Bargoeavttuin mii čuovvut Museaid bargoeaktosoahpamuša ja Siiddas dohkkehuvvon báikkálaš soahpamuša. Barggus lea guđa mánu geahččalanáigi. Bargu álgá 1.12.2026 dahje soahpamuša mielde.
Ohcamušaid ja CV bivdit doaimmahit 20.10.2026 dii 16 rádjái šleađgaboastačujuhussii: rekry@samimuseum.fi. Jearahallamat dollojuvvojit Sámemusea Siiddas Anáris 2.11. ja 3.11.
Lassedieđuid addá:
Museahoavda Taina Máret Pieski, tainamaret.pieski@samimuseum.fi tlf. 050 535 1574