Bohccuid lassánanáigi, ragat, lea čakčat. Sarvvis čohkke alccesis áldduid ja šaddá ollu bargat, go fákte áldduidis ja cakkada eará sarváid eret daid luhtte. “Lokakuu” lea davvisámegillii golggotmánnu dahjege ”rahkan sarvá mánnu”.
Muohtesta vuosttas muohttaga. Buot davvin dálvádeaddji lottiin ja njiččehasain lea dálvit suohkadet dolgefárda / guolga go geassit. Ovdamearkka dihte rievssat, njoammil ja njálla jávket hui bures muohtabirrasii, go molsot ruškes geassefárdda českes dálvefárdan.
Čakčat ovdal jávrriid jiekŋuma bivddestuvvojit vel dálveguolit. Vierrun lea leamaš bivdit dálvvi várás dobbelis leahkki meahccejávrriid buoiddes čuovžžaid.