Sámemusea Siida muitala sápmelaččaid eallimis ikte, odne ja ihttin. Mii leat riikkaviidosaš vástomusea sámekultuvrra spesiálasuorggis ja guvllolaš vástomusea kulturbirasáššiin sápmelaččaid ruovttuguovllus. Mii vurket iežamet čoakkáldagaide Suoma sápmelaččaid vuoiŋŋalaš ja ávnnaslaš kultuvrra ja čájehit dan čájáhusain ja almmustahttimiin. Min guovddáš ulbmilin lea doarjut sápmelaš identitehta ja kultuvrralaš iešdovddu.
Mii ohcat gulahallanáššedovdi dikšut ja ođasmahttit Siidda gulahallama ja vuorrováikkuhusa. Du bargun lea koordineret Siidda gulahallama siskkáldasat ja olggosguvlui, ja maiddái geavatlaš gulahallanbarggut. Du ovddasvástádussan lea dikšut Siidda suopmelaš ja riikkaidgaskasaš mediagaskavuođaid. Searvvat gulahallanáššedovdin musea bargokultuvrra ovddideapmái. Barggus beasat ovttasbargat musea máŋggaámmátlaš kollegaiguin ja musea čanastatjoavkkuiguin. Musea dehálamos ovttasbargu lea ovttasbargu sámeservodagain. Mii bargat maid olu riikkaidgaskasaččat.
Maid mii gáibidat dus?
– Unnimusat golmma jagi bargohárjánumi gulahallanbargguin dahje doaimmaheaddji bargguin
– Heivvolaš dutkosa
– Máŋggabealat máhtu gulahallamis ja hárjánumi dán áiggi gulahallansuorggis
– Máhtát buvttadit sisdoalu digitála gulahallankanálaide ja sosiálamedia bálvalusaide
– Máhtát sámegiela ja dovddat sámekultuvrra
– Njuovžilis čálalaš máhtu suomagillii, millosit maiddái sáme- ja eaŋgasgillii
– Erenomáš vuorrováikkuhus- ja ovttasbargodáidduid ja maiddái máhtu doaibmat almmolašvuođas
– Movtta ovddidit Siidda bargoservoša ja ovttasbargofierpmádaga
– Vásttolaš bargovuogi ja dáhtu čoavdit áššiid.
Maid mii fállat dutnje?
– Dehálaš ja miellagiddevaš ođđa barggu Siiddas
– Bargovejolašvuođa museas, mii lea bálkkašuvvon sihke Suomas ja olgoriikkain
– Máŋggaámmátlaš bargoservoša ja čeahpes bargoguimmiid
– Miellagiddevaš ja ođđaáigásaš bargobirrasa
– Hybridabargovejolašvuođa ja bargovásáhusa
– Lihkadanovddu.
Gulahallanáššedovdi bálká vuođđuduvvá skuvlejupmái ja máhttui (3200–3600 €/mb). Sámegielmáhtus máksojuvvo giellalassi giellamáhtu mielde 80 € dahje 140 €/mb. Barggus lea guđa mánotbaji geahččalanáigi. Bargu álgá 20.4.2026 dahje soahpamuša mielde. Ohcamušaid ja CV bivdit doaimmahit maŋimustá 27.3.2026 dii 10 šleađgapoastačujuhussii: rekry(at)samimuseum.fi. Ohccit jearahallojit Sámemusea Siiddas Anáris 7.4. ja 9.4..
Lassedieđuid addá:
Museahoavda Taina Máret Pieski, taina.pieski(at)samimuseum.fi, t. 050 535 1574