Amanueansa vástida huksenárbbi ja kulturoidnosa áššedovdi- ja virgeoapmahašbarggus Suoma sápmelaččaid ruovttuguovllus.
Amanueanssa bargguide gullá huksenárbái guoskevaš áššedovdicealkámušaid válmmaštallan iehčanassii, virgeoapmahašráđđádallamiidda oassálastin, rávvenbargu, kulturbirrasa gáhttema ovdánahttin ja ovddideapmi sihke ovttasbargu iežas doaibmasurggiin, guovllu virgeoapmahaččaiguin ja eará doaibmiiguin. Bargui gullá maid bagadallan- ja gozihanbargu stáhtadoarjjaáššiin sihke kulturbirasdieđu digitálalaš vurken ja fidnema ovdánahttin.
Amanueansa doaibmá sámemusea kulturbirasovttadagas, mas barget lassin intendeanta, arkeologa ja restaurerenmeašttir. Kulturbirasbarggu lassin ovttadat vástida maid sámemusea olgomuseabirrasis ja oassálastá musea dutkan-, plánen-, ovdánahttin- ja čanusjoavkoovttasbargui ja sisdoallobuvttadeapmái.
Barggu gelbbolašvuođagáibádussan lea heivvolaš allaskuvladutkkus, buorre hárjánupmi kulturbirasbarggus ja huksejuvvon kulturbirrasa láhkaásaheamis. Sápmelaš kultuvrra ja museasuorggi dovdamuš gehččojuvvojit ávkin.
Barggu dikšun gáibida iehčanas bargama ja organiserenmáhtu sihke geavatlaš vásáhusa virgeoapmahašbarggus ja cealkámušproseassain sihke doaibmaguovllu dovdamuša ja eanadatbargogelbbolašvuođa. Mii atnit árvvus ovttasbargo-, ráđđádallan- ja kommuniserendáidduid. Sámegiela dáidu gehččojuvvo ávkin.
Bargu álgá 1.9.2024 dahje soahpamuša mielde. Bálká lea 3200–3400 euro/mb válljejuvvon ohcci bargohárjáneami mielde.
Ohcamušat ja CV sáddejuvvojit maŋimustá 15.8.2024 dii 15 šleađgapoastačujuhussii: rekry@samimuseum.fi.
Jearahallamat dollojuvvojit Sámemusea Siiddas dahje Teamsas 20.8.2024.
Lassedieđuid addá:
Bargiidhoavda Leni Karisaari, tel. 040 827 0818 (áiggis 29.7.–2.8.)
Museajođiheaddji Taina Pieski, tel. 050 535 1574 (áiggis 5.–15.8.)
Sámemusea Siida lea jagi eurohpálaš musea 2024. Ođasmahtton ja viiddiduvvon sámemusea lea váldegottálaš ovddasvástádusmusea ja doaibmá kulturbirasbargguid oasil guvllolaš ovddasvástádusmusean sápmelaččaid ruovttuguovllus. Sámemusea doaibmabáiki lea Anáris Sámemusea ja Davvi-Sámi luondduguovddáš Siiddas. Siida lea jagi 2024 musea ja okta Davvi-Lappi dehálamos mátkkoštančuozáhagain. Jagi 2023 Siidda čájáhusaide oahpásmuvve vehá vuollel 70 000 áššehasa ja sis badjel bealli ledje olgoriikkalaččat. Sámemuseavuođđudus bajásdoallá musea, ja museas leat vádjit 20 bargi ja sesoŋŋaáigge sullii 30 bargi.