Sámemusea Siida muitala sápmelaččaid eallimis ikte, odne ja ihttin. Mii leat riikkaviidosaš vástomusea sámekultuvrra spesiálasuorggis ja guvllolaš vástomusea kulturbirasáššiin sápmelaččaid ruovttuguovllus. Mii vurket iežamet čoakkáldagaide Suoma sápmelaččaid vuoiŋŋalaš ja ávnnaslaš kultuvrra ja čájehit dan čájáhusain ja almmustahttimiin. Min guovddáš ulbmilin lea doarjut sápmelaš identitehta ja kultuvrralaš iešdovddu.
Dáhpáhusbuvttadeaddjin don plánet, koordineret ja ollašuhtát Sámemusea Siidda máŋggabealagis dáhpáhusaid ovttasbarggus čanusjoavkkuiguin sihke barggat dáhpáhuskommuniserema ja márkanastima.
Mii vuordit dus bargui heivvolaš skuvlejumi, hárjánumi dáhpáhusbuvttadeamis ja sápmelaš kultuvrra dovdamuša. Barggus dárbbašuvvojit buorit kommuniserendáiddut unnimusat suomagillii ja eŋgelasgillii sihke visuálalaš kommuniserema máhttu. Sámegiela dáidu gehččojuvvo oavdun. Buorit vuorrováikkuhus-, organiseren- ja čuolbmačoavdindáiddut leat dehálaččat barggus lihkostuvvamis. Mii atnit árvvus iešráđálašvuođa, ovttasbargonávccaid, njuovžilvuođa ja buriid bargosearvvušdáidduid.
Dáhpáhusbuvttadeaddji bálká mearriduvvo máhtu mielde ja lea 2900–3150 euro/mb. Sámegiela dáiddus máksojuvvo giellalassi gielladáiddu mielde 80 € dahje 140 euro/mb. Mearreáigásašvuođa ággan lea dáhpáhusbarggu bargi bargi sirdašuvvan fidnobargui. Barggus lea guhtta mánotbaji geahččalanáigi.
Bargu álgá 1.12.2025 dahje soahpamuša mielde. Ohcamušat ja CV sáddejuvvojit ovdal 12.11.2025 šleađgapoastačujuhussii: rekry@samimuseum.fi. Jearahallamat dollojuvvojit Sámemusea Siiddas dahje Teamsa bokte 19.11.2025 dii 13–16.
Lassedieđuid addiba:
Čanusjoavkkuid jođiheaddji Taija Aikio tel. 040 484 7329
Museahoavda Taina Máret Pieski, tel. 050 535 1574