Sámemusea Siida muitala sápmelaččaid eallimis ikte, odne ja ihttin. Mii leat riikkaviidosaš vástomusea sámekultuvrra spesiálasuorggis ja guvllolaš vástomusea kulturbirasáššiin sápmelaččaid ruovttuguovllus. Mii vurket iežamet čoakkáldagaide Suoma sápmelaččaid vuoiŋŋalaš ja ávnnaslaš kultuvrra ja čájehit dan čájáhusain ja almmustahttimiin. Min guovddáš ulbmilin lea doarjut sápmelaš identitehta ja kultuvrralaš iešdovddu.
Mii ohcat Sámemusea Siidii čájáhusamanueanssa bargogaskavuhtii, mii lea doaisttážii fámus.
Čájáhusamanueanssa bargguide gullet Siidda čájáhusdoaimmaid plánen, ovddideapmi ja ollašuhttin ovttasráđiid museahoavddain ja eará bargiiguin geat leat mielde čájáhusdoaimmain. Čájáhusamanueansan don beasat searvat maiddái riikkaidgaskasaččat bálkkašuvvon Enâmeh láá mii páárnááh – Nämä maat ovat lapsiamme -váldočájáhusa dikšumii ja ovdánahttimii. Dan lassin don vástidat čájáhusaid kurateremis ja koordineremis ovttas nuppiin čájáhusamanueanssain. Du bargguide gullá maiddái čájáhussii laktáseaddji bargu geahččiiguin ja gulahallan čájáhusaid ja daid sisdoaluid birra.
Maid mii gáibidat dus?
– Heivvolaš bajit allaskuvladutkosa
– Bargohárjánumi museasuorggis, millosit čájáhusdoaimmas
– Dovddat bures sámekultuvrra, dáidaga ja duoji.
– Hálat sámegiela.
Dan lassin mii atnin árvvus:
– Hutkáivuođa ja máhtu čoavdit čuolmmaid
– Erenomáš buriid ovttasbargo- ja gulahallandáidduid
– Njuovžilis eaŋgalsgielamáhtu, ruoŧa- ja dárogiel máhttu gehččo ánsun
– Buriid diehtoteknihkalaš dáidduid (omd. Adobe InDesign, Canva, Microsoft Office 365).
Maid mii fállat dutnje?
– Mearkkašahtti ja máŋggabealat barggu Siidda čájáhusdoaimmas
– Vejolašvuođa bargat bálkkašuvvon sámeorganisašuvnnas
– Máŋggaámmátlaš ja čeahpes bargoservoša
– Ođđaáigásaš ja movttiidahtti bargobirrasa
– Vejolašvuođa ovddidit čájáhusdoaimma boahtteáiggi
– Hybridabargovejolašvuođa dan mielde mo dat heive bargguide
– Lihkadanovddu.
Čájáhusamanueanssa bálká lea skuvlejumi ja bargohárjánumi mielde 3400 – 3700e/mb. Dan lassin máksit sámegiela lasi giellamáhtu mielde 80/140 euro/mb. Barggus lea guđa mánotbaji geahččalanáigi. Bargu álgá 1.6.2026 dahje soahpamuša mielde.
Ohcamušaid ja CV bivdit doaimmahit ovdal 8.4.2026 dii 16 e-poastačujuhussii: rekry(at)samimuseum.fi. Jearahallamat dollojuvvojit Sámemusea Siiddas 17.4.2026.
Lassedieđut: Museahoavda Taina Máret Pieski, p. 050 535 1574 (7.–8.4.), čanusjoavkodoaimma jođiheaddji Taija Aikio, p. 040 484 7329