Sämikuávlu hävdienâmijn 1800–1900-lovoin koivum uámikkâsah macâttuvvojeh sivnedum enâmân 7.–8.8.2022 Aanaar Jaamišsuollui, Ucjuv Maadâjäävri Pase Ulrika kirho hävdienâmân já Njellim ortodokslii hävdienâmân.  

Pasepeeivi muštotilâlâšvuotâ Aanaar markkânist

Uámikkâsâi muštotilâlâšvuotâ álgá 7.8.2022 tijme 15 láávust, mii lii Sajos šiljoost. Ohjelm siskeeld säärnih já muusik já pištá suullân kyehti tiijme. Tilâlâšvuođâ jođetteijee lii sämipargo čällee Erva Niittyvuopio. Tilâlâšvuotâ lii tulkkum anarâš-, nuorttâlâš- já tavekielâin. Suullân tijme 17 rääjist uárnejuvvoo káhvástâllâmtilâlâšvuotâ.

Suullân tijme 17 miäđáttâhjuávkku sirdâšuvá Jaamišsuollui, kost čiähhujuvvojeh enâmân ive 1934 koivum sämiuámikkâsah. Seremonia puáhtá čuávvuđ já toos puáhtá uásálistiđ láávust stream peht tijme 18 rääjist. Suollui vyelgee miäđáttâhjuávkku lii ucce siärvus tuáivu, jođettemkapasiteet já -torvolâšvuođâ sehe suolluu eroosiovaarâ tiet.

Tilâlâšvuotân lii uárnejum Njellimist Avveel peht jođettem, moos puáhtá almottâttâđ 5.8. tijme 14 räi Aanaar servikode kirkkohiärá toimâttâhhân (inarin.seurakunta@evl.fi, p. 0407604202).

Vuossaargâ iđedispeeivi Ucjuv Maadâjäävri riddoost

Vuossaargâ 8.8.2022 tijme 10 rääjist Ucjuv Maadâjäävri riddoost, Pase Ulrika kirho hävdienâmist čiähhojeh enâmân taan hävdienâmist iivij 1882–83 koivum sämiuámikkâsah. Tilâlâšvuođâ maŋa miäđáttâhjuávkku káhvástâl pappâl šiljoost.

Tilâlâšvuotân láá uárnejum Nuorgamist sehe Paje-Tiänu Guoldnást já Kaamâsmohheest Kärigâsnjaargâ peht  joođeetmeh, moi puáhtá almottâttâđ 1.8. räi, diakoniapargee Arja Ollikainen (arja.ollikainen@evl.fi, p. 0408446259).

Vuossaargâ ehidispeeivi Njellimist

Vuossaargâ 8.8.2022 tijme 15 rääjist nuorttâliih sämiuámikkâsah hävdiduvvojeh uđđâsist Njellim ortodokslii hävdienâmân Nuorttâlij sijdâčuákkim tuáivu mield. Uámikkâsah láá koivum Piäccám Paččjuuvâ kuávlust já nuuvtpa sii halijduvvojeh macâttiđ sivnedum enâmân alda Paččjuuvâ. Hävdienâmist miäđáttâhjuávkku sirdâšuvá Njellim kerhotáálun káhvástâllâđ.

Tilâlâšvuotân lii uárnejum Näätämöst jođettem, moos puáhtá almottâttâđ 6.8. räi, Hanna-Maaria Kiprianoff (hanna.kiprianoff@gmail.com, p. 045 342 5338).

Tilâlâšvuođâid puáhtá čuávvuđ live-vuolgâttâssân

Yle Sápmi vuolgât tilâlâšvuođâid Yle Areenast, já taid puáhtá čuávvuđ káidusin stream peht já toh láá keččâmnáál tobbeen meid maŋeláá. Vuolgâttâsâi liiŋkah láá:

Aanaar Jaamišsuálui https://areena.yle.fi/1-63150130

Ucjuuvâ Pase Ulrika kirho hävdieennâm https://areena.yle.fi/1-63150301

Njellim ortodokslâš hävdieennâm https://areena.yle.fi/1-63150311

Liiŋkah kávnojeh meid Yle Säämi siijđoin (http://yle.fi/sapmi).

Lasetiäđuh:  Eija Ojanlatva, vs. museohovdâ, Sämimuseo Siida, eija.ojanlatva@samimuseum.fi, p. 040 1676 145 já Erva Niittyvuopio, Sämipargo čällee, Oulu pispekode tuámukapittâl, erva.niittyvuopio@evl.fi, p. 040 7690 044

Nurâldâhmaaccâtmeh, uđđâ nurâldâhohtâdâh já Säämimuseo já Luándukuávdáš Siidan vuáđupyeredem láá toohâm uđđâlágán siärvuslii nurâldâhpargo já tiŋgâtutkâmuš máhđulâžžân. Tiervâpuáttim tubdâđ ulmuid já paaihijd puáris čuovâkuuvijn, uápásmiđ nurâldâhtiŋgáid já muštâliđ máhđulijd tuoivuid ohtâsâš nurâldâhpaargon.

Säämimuseo Siida já SámiSoster rs orniv siärvuslii kylárááiđu 16.3.—7.4.2022 sämikuávlust. Kyláráiđu jotá čuávuváin kyláin taan oornigist: Vuáčču, Čevetjävri, Hetta, Kärisavvoon, Njellim já Ucjuuhâ. Moonnâm čoovčâ mij juhloim stuorrâ sämičuágálduv maccâm pááikán. Nurâldâhmaaccâtmeh, uđđâ nurâldâhohtâdâh já Säämimuseo já Luándukuávdáš Siidan vuáđupyeredem láá toohâm uđđâlágán siärvuslii nurâldâhpargo já tiŋgâtutkâmuš máhđulâžžân. Taan ohtâvuođâst mij halijdep kuullâđ siärvus uáinuid puátteevuođâ nurâldâhpargoost.

Siärvuslii kylárááiđu mittomeerrin lii kuldâliđ siärvus tuoivuid já táárbuid puátteevuođâ siärvuslii pargo iähtun, oovdânpyehtiđ Säämimuseo Siida toimâm sehe muštâliđ Säämimuseo já Luándukuávdáš Siida vijđedem já vuáđupyeredem faallâm máhđulâšvuođâin. Tilálâšvuođâin čáittojeh puáris čuovâkoveh koveoovdânpyehtimin, já siärvusist tuáivoo iše váiloo tubdâldâh- já päikkitiäđui tievâsmitmân. Lasseen mield láá motomeh päikkikoddekuáhtásiih tiiŋgah Säämimuseo Siida nurâlduvâin. Uđâsmittum Siida liäkkoo 1.6.2022.

Vuáčust, Hettaast, Kärisavonist, Njellimist já Ucjuuvâst tuálloo SámiSoster aheulmui juávkkutoimâm ooleest peivitilálâšvuotâ. Eehidtilálâšvuođah älgih tme 17 já pääihi alne lii käähvi fáállun. Tilálâšvuođáid piäsá nuuvtá. Mij tuáivuttep puohâid lieggâsávt tiervâpuátimin!

Tilálâšvuođah

Ko 16.3. tme 17 Vuáčču, Vuáču škovlâ

Tu 17.3. tme 17 Čevetjävri, Čevetjäävri škovlâ

Vu 21.3. tme 17 Hetta, Luovatupa

Ma 22.3. tme 17 Kärisavvoon, Kärisavvoon škovlâ

Ko 6.4. tme 10 Njellim, Njellim Kerhotáálu (Spiekâstâh: tuše peivitilálâšvuotâ)

Tu 7.4. tme 17 Ucjuuhâ, Ucjuvnjäälmi škovlâ

Kove: Säämimuseo Siida nurâldâh

Lasetiäđuh

aalmugpargovästideijee Pia Nikula, Säämimuseo Siida, pia.nikula(at)samimuseum.fi, puh. 040 621 2663

museopedagog Milla Pulska, milla.pulska(at)samimuseum.fi, puh. 0406721181

Säämimuseo Siida lii povdim sämikuávlu vuáđuškoovlâid já arâšoddâdemohtâduvâid uásálistiđ teemaohhoid.

Kiiđâ teemaohoh láá okko 5 (31.1-4.2.2022) já okko 15 (11.-14.4.2022). Mij ornip ohjelm olgomuseost, kost pyehtip čokkâniđ tiervâsvuođâ tááhust torvolávt. Mij lep ohtâvuođâst sijjân, kiäh láá almottâttâm, talle ko ohjelm já äigitavlu láá tärhibeht tiäđust. Almottâttâm muuneeld lii nuuhâm 14.1.2022.

Kove: Säämimuseo Siida nurâlduvah

Lasetiäđuh:

Museopedagog Milla Pulska milla.pulska@samimuseum.fi 040 672 1181

Aalmugtoimâvästideijee Pia Nikula pia.nikula@samimuseum.fi 040 621 2663

Aanaar kieldâ koronatile tiet tábáhtus lii maasâdkeessim.

Puáđi fáárun lávluđ muččâdumos sämikielâlii juovlâláávluid Sämimuseo Siida olgomuseon, Movšháá tupán. Pääihi alne lii sämipappâ Mari Valjakka. Čokkânem Siidâ šiiljon, kost vyelgim tupán tme 17. 

Mijpâ ličij hitruub vyehi rávhuttuđ juovlâááigán ko lávluđ sämikielâlii juovlâlávluid tovláá tuuveest.

Kähvikuásuttem. Nuuvtâ siisâpeessâm.

Tiervâpuáttim!

Uárnejeijeeh Sämimuseo Siida já Aanaar servikodde.

Säämimuseo Siida mulsâšuvvee čuovâkovečáitáldâh “Albma olbmot” piäjá uáinimnáál Pekka Sammallahti čapisvielgis olmooškuuvijd tave ulmuin argâpirrâsistis čiččâm ihelove ääigist, ain 1960-lovo rääjist. Kuávdáást láá Tiänu pellâst ässeeh, mutâ koveh láá meid ei. Anarist, Iänuduvâst, Suáđigilist, Käresavonist, Ruotâ Vääččirist, Varjâvuonâst já  Altavuonâst. Čáitálduv nommâ spejâlist maaŋgâi algâaalmugij vyevi nabdeđ jieijâs ulmuid olmâ olmožin.

Čáitálduv kuraattorin lii lamaš Marja Helander. Helander lii tubdâstum čuovâkovetaaiđâr, kote majemui iivij lii vijđedâm pargos uánihisfilmáid. Čáitálduv lii pyevtittâm Säämimuseo Siida.

Pekka Sammallahti čuovâkovečáitáldâh Albma olbmot – Olmâ ulmuuh lii uáinimnáál Säämimuseo Siidast, Anarist 23.6.2020-31.3.2021. Siida lii ávus kesipaje ääigi jyehi peeivi 9 – 17.

Sämmilij aalmugpeivi ávuduvvoo Siidast. Siida ohjelm lii uási Aanaar kirkkosiijdâ sierâ uárnejeijei ohtâsij ohjelmist.

 

Sämimuseo já Tave-Laapi luándukuávdáá Siida ohjelm:

Siijdâ čáitálduvváid lii nuuvtá siisâpeessâm ubâ peeivi tme 9-17

tme 9 Sämiliipu pajedem já Säämi suuvâ laavlâ, Siida šiljoost
tme 12 Siida uuđâsm 2020-2022, Siida auditoriost
tme 12.30 Siäiluttiđ Säämi äärbi, pop up -čáitálduv lehâstem, Siida pajeviäskárist

 

Puáđi fáárun lávluđ muččâdumos sämikielâlii juovlâláávluid koskoho 18.12.2019 tme 17 rääjist Sämimuseo Siida olgomuseon, Tirro tupán. Pääihi alne lává kirkkohiärrá Tuomo Huusko, sämipappâ Mari Valjakka já kanttor Raimo Holappa. Čokkânem Siidâ šiiljon, kost vyelgim tupán tme 17.

Mijpâ ličij hitruub vyehi rávhuttuđ juovlâááigán ko lávluđ sämikielâlii juovlâlávluid tovláá tuuveest.

Kähvikuásuttem. Nuuvtâ siisâpeessâm.

Tiervâpuáttim!

Uárnejeijeeh Sämimuseo Siida já Aanaar servikodde.

 

Puoh puáttee tábáhtusâi tievâslâš listo kávnoo mii suomâkielâlijn siijđoin.
Tavesämikielâliih puáttee tábáhtusah kávnojeh mii tavesämikielâlijn siijđoin.
Nuorttâlâškielâliih puáttee tábáhtusah kávnojeh mii nuorttâlâškielâlijn siijđoin.

Säämimuseo Siida lii kuávdáš tábáhtussaje Anarist.

Mij ornip ihásávt sämikulttuurân já tave luándun lahtojeijee tábáhtusâid jieškote-uv kieláid. Jieččân pyevtittem lasseen mij ornip tábáhtusâid meiddei ohtsâšpargoost iärásijguin.