Sámemusea ja Luondduguovddáš Siida lea sámekultuvrra ja Suoma stuorámus suodjalanguovlluid váibmosis. Davvi-Lappi luondu ja sámekultuvra leat ovdan maid Sámemusea ja Luondduguovddáža oktasaš čájáhusas. Siidda váldočájáhusa luondu-oasis muitalat eallima vuogáiduvvamis davviguovllu garra diliide. Mii láidestat galledeaddji davviguovllu molsašuddi jagiáiggiid čađa ja čájehat, mo iešguđetlágan eallit ja šattut atnet ávkin iežaset eallinbirrasa garra diliid. Siidda váldočájáhusas luonddu temá čatnasa oktan ollisvuohtan ovttas sámekultuvrras muitaleaddji osiin.
Mii ordnet molsašuvvi čájáhusaid ja dáhpáhusaid, mat laktásit davviguovllu luonddu earenomášvuođaide, luonddusuodjaleapmái, birasbajásgeassimii ja luonddugovvemii. Oahpistuvvon mátkkiin beassá oahpásmuvvat lagaš guovlluid luonddu máŋggabealatvuhtii ja kulturhistorjái. Oahpásmuva oahpistemiide ja molsašuddi čájáhusaide.