Konserváhtor vástida sámemusea čoakkáldatdávviriid konserveremis, dillekártemis ja dokumenteremis sihke eastadeaddji konserveremis. Bargui gullet maiddái čájáhusbarggut.
Mii fállat máŋggabealálaš, miellagiddevaš ja mearkkašeaddji barggu, mas sáhttá ovdánit ámmátlaččat, sihke čeahpes bargoskihpáriid ja movttiidahtti bargobirrasa.
Gelbbolašvuođagáibádussan lea konserváhtora ÁMA-dutkkus, geavatlaš hárjánupmi dávvirkonserveremis ja dávvirčoakkáldagaid dikšumis sihke sámekultuvrra ja museasuorggi dovdamuš.
Barggu dikšun gáibida máhtu bargat iehčanasat ja hárjáneami Collecte-čoakkáldathálddašanvuogádaga geavahamis. Mii atnit buriid ovttasbargo- ja kommuniserendáidduid árvvus. Barggus gáibiduvvo buorre eŋgelasgiela dáidu. Sámegiela dáidu gehččojuvvo ánsun.
Bargu álgá 1.4.2024 dahje soahpamuša mielde. Bálká lea 2800–3100 euro/mb bargovásáhusa viiddisvuođa vuođul. Barggus lea guhtta mánotbaji geahččalanáigi.
Ohcamušat ja CV sáddejuvvojit ovdal 21.2.2024 dii 15 šleađgapoasttain: rekry(a)samimuseum.fi.
Jearahallamat dollojuvvojit Sámemuseas Anáris 27.2.2024 dii 9 rájes.
Lassedieđuid barggus addá:
Amanueansa Marjo-Riitta Rantamäki, marjo-riitta.rantamaki(a)samimuseum.fi, tel. 040 571 5670
Museajođiheaddji Taina Pieski, taina.pieski(a)samimuseum.fi, tel. 050 535 1574
Ođasmahtton ja viiddiduvvon Sámemusea lea váldegottálaš ovddasvástádusmusea ja doaibmá kulturbirasbargguid oasil guvllolaš ovddasvástádusmusean sápmelaččaid ruovttuguovllus. Sámemusea doaibmabáiki lea Anáris Sámemusea ja Davvi-Sámi luondduguovddáš Siiddas. Siida lea okta Davvi-Lappi dehálamos mátkkoštančuozáhagain. Musea bajásdoallá Sámemuseavuođđudus ja museas leat s. 20 bargi ja sesoŋŋaáigge s. 30 bargi.