Leatgo beroštuvvan áššehasbálvaleaddji bargguin Sámemusea Siiddas? Áššehasbálvaleaddji bargguide gullá máŋggabealat áššehasbálvaleapmi, bileahttavuovdin sihke vuovdinbargu museagávppis ja neahttagávppis. Áššehasbálvaleaddjit oassálastet maid Siida Shopa sosiálalaš media beaivádeapmái.
Mii fállat máŋggabealat ja miellagiddevaš geassebarggu Sámemusea Siidda áššehasbálvalusas sihke čeahpes bargoskihpáriid, suohtas bargoservoša ja movttiidahtti bargobirrasa.
Unnimusas njuovžilis eaŋgalasgiela dáidu lea suomagiela lassin gáibádussan áššehasbálvalusas. Vásáhus áššehasbálvalan- ja kássabarggus, gielladáidu sihke sápmelaš kultuvrra dovdamuš gehččojuvvojit ovdun. Mii atnit árvvus buriid vuorrováikkuhus- ja ovttasbargodáidduid, ilolaš bálvalanvuogi ja dilleipmárdusa.
Bargu álgá oahpásmahttimiin 27.5.25 ja bargogaskavuohta bistá 30.9.2024 rádjái dahje soahpamuša mielde. Bargoáigi lea unnimusat 80 % nappo 91 diimmu golmma vahku bajis. Áššehasbálvaleaddji bálká lea unnimusat 12,85 €/diibmu ja lassin máksit bargovuorrolasiid. Sámegiela dáiddus máksojuvvo giellalassi gielladáiddu mielde.
Ohcamušaid ja CV:a galgá doaimmahit maŋimustá 24.2.25 dii 15 šleađgapoastačujuhussii: rekry(at)samimuseum.fi. Mii bivdit máinnašit ohcamušas sávvojuvvon barggu bistima. Jearahallamat dollojuvvojit 27.–28.2.25 Sámemuseas dahje Teamsa bokte.
Lassedieđut Siidda birra www.siida.fi ja museagávppi birra www.siidashop.fi
Lassedieđuid barggus addá: Áššehasbálvalusvástideaddji Lotta Valtasaari, lotta.valtasaari(at)samimuseum.fi dahje tel. 40 523 8,988 čuovvovaš áiggiid: 14.2. dii 12–15 ja 20.2. dii 12–16.
Sámemusea Siida lea jagi eurohpálaš musea 2024. Ođasmahtton ja viiddiduvvon sámemusea lea váldegottálaš ovddasvástádusmusea ja doaibmá kulturbirasbargguid oasil guvllolaš ovddasvástádusmusean sápmelaččaid ruovttuguovllus. Sámemusea doaibmabáiki lea Anáris Sámemusea ja Davvi-Sámi luondduguovddáš Siiddas. Siida lea jagi 2024 musea ja okta Davvi-Lappi dehálamos mátkkoštančuozáhagain. Jagi 2024 Siidda čájáhusaide oahpásmuvve sullii 82 000 áššehasa ja sis badjel bealli ledje olgoriikkalaččat. Sámemuseavuođđudus bajásdoallá musea, ja museas leat vádjit 20 bargi ja sesoŋŋaáigge sullii 30 bargi.