Áššehasbálvaleaddji bargguide gullá máŋggabealagis áššehasbálvaleapmi ee. rávven, bileahttavuovdin ja vuovdinbargu museagávpi Siida Shopas. Bargui gullá maid sámemusea sosiálalaš media sisdoallobuvttadeapmi.
Barggu gelbbolašvuođagáibádussan lea gávppálaš suorggi skuvlejupmi dahje eará heivvolaš skuvlejupmi ja gávppálaš suorggi bargohárjánupmi sihke njuovžilis suomagiela ja eŋgelasgiela dáidu.
Barggu dikšun gáibida iehčanas bargama máhtu sihke buriid vuorrováikkuhus- ja ovttasbargodáidduid. Sápmelaš kultuvrra dovdamuš ja sámegiela dáidu gehččojuvvojit ávkin.
Bargu álgá 1.6.2024 dahje soahpamuša mielde. Bálká lea 2480,90 euro/mb + bargovuorrolasit. Barggus lea guhtta mánotbaji geahččalanáigi.
Ohcamušat ja CV sáddejuvvojit maŋimustá 22.5.2024 dii 15 šleađgapoastačujuhussii: rekry(at)samimuseum.fi.
Lassedieđut Siidda birra www.siida.fi ja museagávppi birra www.siidashop.fi.
Lassedieđuid barggus addá:
Bargiidhoavda Leni Karisaari, leni.karisaari(at)samimuseum.fi dahje tel. 040 827 0818.
Sámemusea Siida lea jagi eurohpalaš musea 2024. Ođasmahtton ja viiddiduvvon Sámemusea lea váldegottálaš ovddasvástádusmusea ja doaibmá kulturbirasbargguid oasil guvllolaš ovddasvástádusmusean sápmelaččaid ruovttuguovllus. Sámemusea doaibmabáiki lea Anáris Sámemusea ja Davvi-Sámi luondduguovddáš Siiddas. Siida lea okta Davvi-Lappi dehálamos mátkkoštančuozáhagain. Jagi 2023 Siidda čájáhusaide oahpásmuvve vehá vuollel 70 000 áššehasa ja sis badjel bealli ledje olgoriikkalaččat. Musea bajásdoallá Sámemuseavuođđudus ja museas leat s. 20 bargi ja sesoŋŋaáigge s. 30 bargi.