Geahča buot dieđáhusaid min suomagielat siidduin.
Anárašgielat dieđáhusat gávdnojit min anárašgielat siidduin.
Nuortalašgielat dieđáhusat gávdnojit nuortalašgielat siidduin.
Wimme Saari Agálaš johtin -konsearta lea Siidda olgomuseas Itnetvári stobus lávvardaga 17.8.2019 dii. 14. Sámemusea ordne konseartta oassin Ijahis idja -dáhpáhusa prográmma. Bileahtaid vuovdin álgá Siiddas vahkus 33. Bileahta haddi lea 15,00€ ja daid mearri lea ráddjejuvvon.
Anára kirkosiiddas lean Sámemusea ja Davvi-Sámi luondduguovddáš Siidda vuođđočájáhusat ođasmahttojuvvojit, ja čájáhusa arkiteaktaplánejeaddji skáhppon lea dál almmustuvvon. Skáhppomii sáhttá almmuhit tarjouspalvelu.fi-portálas maŋimustá 18.8.2019.
Sámemusea ja Badje-Sámi luondduguovddáš Siida ordnejit Árktalaš dálkki siste -seminára 29.3.2019 dmu 9-12 Siidda auditorias. Semináras suokkardallet árktalaš guovllu rievdama ja rievdama váikkuhusaid olbmuide, birrasii ja kultuvrii. Semináras doallaba sáhkavuoru earret eará Birasministeriija kansliijahoavda Hannele Pokka ja Musealágádusa hoavda Juhani Kostet. Seminára lea rabas ja nuvttá buohkaide.
Duojár Biret-Ánne Lehtola, Niillasaš Biret Biret-Ánne (1931 – 1996) duodječoakkáldat skeŋkejuvvo Sámemusea Siidii Sámi álbmotbeaivve 6.2.2019. Iđđedis diibmu 9.15 loktet leavgga stággui Siidda šiljus ja dan maŋŋá auditorias álgá skeŋkendilálašvuohta diibmu 9.30, mas beassat oaidnit Biret-Ánne Lehtola fiinna duodječoakkáldaga ja Lehtola nieida Irma Lehtola muittaša eadnis duojárin.duodječoakkáldaga ja Lehtola nieida Irma Lehtola muittaša eadnis duojárin.
Siida-dálu divvun ja restoráŋŋaoasi huksen ja čájáhusaid ođasmahttin leat dál plánenmuttus. Viiddidanoasi barggut álget jagi – beannot jagi geažes. Siidda doaimmat joatkašuvvet dego dábálaččat 31.3.2021.
Sámemusea ja Badje-Sámi luondduguovddáš Siida ja Restoráŋŋa Sarrit ávvudit sámi álbmotbeaivvi 6.2.2019 ja leat mielde Anára girkosiiddas ávvubeaiprográmmas. Iđđes dmu 9 geassit sámeleavgga Siidda leavgastággui ja dmu 9.30 auditorias álgá skeŋkendilálašvuohta. Fiinna Guovssahasat-dvd čájáhusaid sáhttá geahččat auditorias dmu 12 ja dmu 15. Siiddas leat rabas uvssat olles beaivvi ja mii bálvalat olbmuid dmu 9.15-17. Restoráŋŋa Sarrihis lea ávvubeaivvi gudnin gáffe ja sarritvuostágáhkku, haddi lea 6 euro.
Sámemusea čájáhuskoordináhtorin lea válljejuvvon FM Darja Heikkilä Roavvenjárggas. Son lea álgoálggus eret Anáris. Heikkiläs lea čájáhusvásáhus museasuorggis ja Meahciráđđehusa bealde. Son bargá dál Dieđaguovddáš Pilkes. Darja Heikkilä álggaha Siiddas 1.3.2019.
Anára Siiddas leat olbmot galledan hui viššalit jagi 2018 áigge. Sámemusea, Badje-Sámi luondduguovddáš ja restoráŋŋa Sarrit, mat doibmet Siiddas, illudit sakka 2018 gallededdjiid mearis! Siidda 20 jagi ávvujagi áigge ledje miellagiddevaš čájáhusat ja máŋggabealat prográmma ja dat geasuhedje olbmuid.
Sámemusea Siidda jagi 2019 vuosttaš čájáhus lea duodječájáhus “Eatnama fámolaš jienat”. Čájáhus duojár Jouni S. Laiti dujiin lea geahčastat sámi duoji otnábeaivái. Čájáhus addá galledeaddjái vejolašvuođa beassat oaidnit dálá sámi duoji, sihke árbevirolaš hámis ja ođđaáigásaš dáiddaduodjin.
