Sámemuseas lea geassit galledanbáiki maid nuortalaškultuvrra guovddážis Čeavetjávrris. Doppe lea maid Nuortalaččaid Árbevierrodállu. Árbevierrodálus ja dan šilljobirrasa olgomuseas mii muitalat nuortalaččaid historjjás ja guovtti sierra áigodaga ássan- ja huksenvugiin. Nuortalaččaid árbevierrodálus lea maid unna museagávppáš.
Nuortalaččaid Árbevierrodállu lea ođđasishuksenáigodaga eakti nuortalašdállu oktan olgovisttiiguin. Dálus lea čájáhus, mii muitala nuortalaččaid eallimis ovdal ja dál. Árbevierrodálu šiljus lea olgomuseaguovlu, mii muitala boarrásut huksenárbevierus. Olgomuseaguovllu ráhkadusat ja visttit leat huksejuvvon čálalaš gálduid ja muitalusaid vuođul. Doppe sáhtát oaidnit ee. ássanvisttiid, njala, suovvasávnni ja árbevirolaš nuortalaš vettiiguin gorrojuvvon fatnasa.
Loga lasi Nuortalaččaid árbevierrodálus
Oahpásmuva neahttačájáhussii, mii muitala nuortalaččaid birra
Nuvttá sisa
Rabas: 25.6.-28.9.2024 maŋ – láv dmu 11-17 (gitta sot-vuo)
Oktavuođadieđut
Nuõrttsaa’mi Ä’rbbvuõttpõrtt – Nuortalaččaid Árbevierrodállu
Sevettijärventie 9041, 99930 ČEAVETJÁVRI
Tel. 0400 373015
E-boasta: kolttaperinnetalo(at)samimuseum.fi
Olgomuseas lea ollu maid geahčadit. Olgomusea bálgá guhkkodat lea sullii 800 mehtera ja dat guorada suohpana hámi. Bálgá guoras gávnnat sullii vihttalogi vistti ja ráhkadusa, mat leat juhkkon kulturguovlluid dahje geavaheami mielde. Oahpásmuvvanbáikkit muitalit Suoma golmma sámekultuvrra kulturárbbis, huksenárbbis ja ealáhusain.
Guovlu lea dološmuitilága vuođul ráfáidahtton. Doppe lea lohpi johtit dušše merkejuvvon bálgáid mielde.
Loga lasi olgomuseas ja dan čájáhusas. Várre čájáhusoahpisteami.
Rabasáiggit
Olgomusea lea rabas musea rabasáiggiid mielde.
Jos galledat olgomusea dálvit, de gánniha gárvodit bures ja dálkki mielde. Rávvagiid gárvodeami várás gávnnat VisitFinland neahttasiidduin
Mobiilaofelaš
Mii leat plánen Olgomusea rávvengalbbaid lassin mobiilaofelačča, mas leat dieđut olgomusea historjjás ja das mat oahpásmuvvanbáikkit olgomuseas gávdnojit. Mobiilaofelačča arkiivagovat, videot ja jietnabáttit addet lasseivnni olgomusea 12 oahpásmuvvanbáikái. Mii leat merken mobiilaofelašbáikkiid galbbaiguin. Galbbain lea QR-koda mainna beassá báikki mobiilamateriálii.
Mobiilaofelaš lea davvisámegillii, suomagillii ja eaŋgalasgillii. Oahpásmuva mobiilaofelažžii.
Sámemusea ja Badje-Sámi luondduguovddáš Siidda oktasaš čájáhus, Enâmeh láá mii párnááh – Eatnamat leat min mánát, rahpá ja dulko duovdaga gerddiid sámi kulturbirasáddejumi bokte. Dan mielde luondu ja kultuvra leat lávga čatnosis nuppiidasaska. Duovdda birrasisttámet hápmašuvvá lassin ollisvuođas, maid luondu lea hábmen miljovnnaid jagiid.
Čájáhussamet lea ožžon namas anáraš Matti Morottaja čállin divttas.
Sámi kulturbirrasis oktavuohta eatnamii ja birrasii hápmašuvvá muitodieđuid ja árbevieruid bokte. Sámi árbedieđu muitu lea guoddán luonddu ja servodaga nuppástusaid sohkabuolvvas nubbái. Čájáhusa kultursisdoaluin suokkardallojuvvo, mot dološ eallá mis. Juohkehaččas eallá girjás, iešguđet áigodagaid árbi, man bokte vuogáiduvvat nuppástusaide birrasisttámet.
Čájáhusa luondu-oasis boktit gussiideamet guorahallat dálkkádahkamet nuppástusaid ja dan, mii dálkkádahkii dáhpáhuvvá boahttevuođas. Čájáhusas ovdanbuktojuvvojit maŋimuš jiekŋaáiggi maŋŋelaš dálkkádathistorjá ja suokkardallojuvvo, mii dálkkádahkii dáhpáhuvvá boahttevuođas. Luonddufáttát gieđahallojuvvojit Badje-Sámi suodjalanguovlluid ja daid iešguđetlágan luonddutiippaid ja eallišlájaid bokte.
Mii atnit ávvira luonddu girjáivuođas ja kulturárbbis, ja bargomet bohtosat guddet badjel sohkabuolvvaid.
Čájáhusa kulturoasi ođasmahttima leat ruhtadan Koneen säätiö, Suoma kulturruhtafoanda/Museovisio ja lassin Jenny ja Antti Wihuri ruhtafoanda. Sámemuseas lea jođus maiddái čájáhusa ođasmahttimii laktáseaddji Muittut, muitalusat – The Story of the Sámi by the Sámi -Interreg-fidnu. Čájáhusa luondu-oasi ruhtadeami Meahciráđđehus oaččui stáhta lasseruhtadoalloárvalusas.
