Lähikuva Outi Pieskin teoksesta, jossa roikkuu värikkäitä silkkilankahapsuja vierekkäin ja eri tasoissa.

Sámemusea Siida ohcá allaskuvlahárjehalli čoakkáldatbargui

Mii ohcat allaskuvlahárjehalli Sámemusea Siidii sámedáidaga logahallanbargui

Sámemusea Siida lea riikkaviidosaš vástumusea, man erenomášsuorgin lea sámekultuvra. Sámemusea lea maid guovllolaš vástumusea kulturbirasbargguid oktavuođas sámiid ruovttuguovllus. Mii vurket iežamet čoakkáldagaide Suoma sámiid immateriála ja materiála kulturárbbi ja ovdanbuktit kulturárbbi iežamet čájáhusain ja almmustahttimiin. Min guovddáš ulbmilin lea doarjut sámi identitehta ja kultuvrralaš iešdovddu. Sámemusea Siida bálkkašuvvui jagis 2024 jagi eurohpalaš musean ja jagi musean Suomas.

Allaskuvlahárjehalli váldobargun lea Sámemusea sámedáidaga logahallan čoakkáldatdiehtovuođđu Collectei. Bargui sáhttá gullat maiddái eará čoakkáldatbarggut, dieđiheapmi musea sosiála media konttuin ja veahkeheapmi musea searvvušlaš dilálašvuođain.

Mii vuordit dus heivvolaš allaskuvlaoahpuid, sámekultuvrra dovdamuša ja beroštumi dáidagii ja kultuvrii. Lassin mii vuordit buriid diehtoteknihkalaš dáidduid, fuolalašvuođa, iešráđálašvuođa, movttegis ja iehčanas vuogi bargat ja buriid vuorrováikkuhusdáidduid.

Mii fállat dutnje vejolašvuođa bargat oassin min arvvosmahtti ja čeahpes bargoveaga ja čoakkáldatbargojoavkku ja bargovásáhusa museabarggus – erenomážit čoakkáldatbarggu proseassain. Mii fállat maiddái heivehahtti bargoáiggiid ja veahkehit vistti ohcamis.

Hárjehallan bistá soahpamuša mielde 3–4 mánotbaji ja dan sáhttá álggahit jogo miesse- dahje borgemánus 2025.

Bargoáigi: 38 diimmu vahkus

Bálkká: 1500 euro/mánotbajis

Sámegiela dáiddus máksojuvvo giellalassi gielladáiddu mielde juogo 80 € dahje 140 euro/mánotbajis

Báikki: Sámemusea Siida, Inarintie 46, 99870 Anár

Maŋimus ohcanbeaivi 16.2.2025

 

Friijahápmásaš ohcamuš ja CV šleađgapoasttain intendeanta Anni Guttormii, anni.guttorm@samimuseum.fi , bajilčállagiin: Ohcamuš allaskuvlahárjehallin