Buohkaide rabas dilálašvuođas leat oaidninláhkái Aune Huhtamella sámegávttit ja eará duojit. Dilálašvuođas Aune oabbá Rita Kumpulainen muittaša Aune mearkkašumi soga bivttasgoarrun ja vieljanieida Sigga-Marja Magga muitala čoakkáldaga riegádeamis ja iešvuođain.
Bures boahtin!
Sámemusea ja luondduguovddáš Siiddas ja restoráŋŋa Sarrihis ávvudit moadde jagi bottu maŋŋá sámi álbmotbeaivvi vuossárgga 6.2.2023. Ávvubeaivve Siiddas leat rabas uvssat ja nuvttá sisabeassan čájáhusaide dmu 9–17. Álbmotbeaivve Siida rahpasa diimmu ovdal go dábálaččat.
Dmu 9.15 Leavgga geassin, Siidda šiljus
Dmu 10-11.30 Finna ávvujagi rahpan ja oahpásmuvvan Finna-ohcanbálvalussii, álbmotdilálašvuohta, Siidda auditorias
Finna ávvujagi álggaha Siidda čoakkáldagaid sámegávttiid almmustahttin Finna-bálvalusas. Seammás mii fállat geavatlaš rávvagiid Finna.fi-ohcanbálvalusa geavaheapmái. Buresboahtin digitála gávdnanmátkái!
Dmu 15-16.30 Dáiddár Outi Pieski čájáhusa rahpandoalut
Ládjogahpira rematriašuvdna—Máhccat eatni lusa
Rematriation of a Ládjogahpir—Return to Máttaráhkká
Ládjogahpir lakin rematriaatio—paluu äidin luo
Restoráŋŋa Sarrihis álbmotbeaivvi gáhkkogáfet 8e/olmmoš.
https://siida.fi/davvisami/diedahusat/sami-albmotbeaivi-oidno-gullo-ja-njalggiida-siiddas/
Boađe mielde lávlut čábbásamos sámegielat juovlalávlagiid Sámemusea Siidda olgomuseai, searvvušlaš lávvui. Mielde lea sámebáhppa. Čoahkkaneapmi dii 16.50 Siidda ovdauvssa luhtte, gos láiden olgomuseaguvlui.
Mii livččiige buoret vuohki vuordigoahtit juovllaid go lávlut ovttas sámegielat juovlalávlagiid stuorra lávus. Amma fuobmát, ahte dollagáttis biktasiidda sáhttá darvánit vehá suova hádja. Dolla lea min áidna čuovga, nu ahte váldit fárrui gállo-/lubmalámppá, vai sihkkarit oainnát lávllagihpagis lávlagiid sániid.
Mii guossohit gáfe. Nuvttá beassan.
Bures boahtin!
Ordnejeaddjit Sámemusea Siida ja Anára searvegoddi.
Sámeguovllu hávdeeatnamiin 1800–1900-loguin goivojuvvon váinnit máhcahuvvojit sivdniduvvon eatnamii 7.–8.8.2022 Anára Jaamišsuálui, Ohcejoga Bassi Ulriika girku hávdeeatnamii ja Njellima ortodoksalaš hávdeeatnamii.
Sotnabeaivve Anáris čoahkkanit lávvui
Váinniid muitodilálašvuohta álgá 7.8.2022 diibmu 15 Sajosa šilju lávus. Moatte diimmu guhkkosaš prográmmas leat sáhkavuorut ja musihkka. Dilálašvuođa láidesta sámebarggu čálli Erva Niittyvuopio. Dilálašvuohta dulkojuvvo anáraš-, nuortalaš- ja davvisámegielaide ja lassin ruoŧagillii. Diibmu 17 sulaid dilálašvuođas guossohit girkogáfe.
Diibmu 17 sulaid ráddjejuvvon mieđuštanjoavku sirdašuvvá Jaamišsuálui, gos luitojuvvojit eatnamii doppe jagi 1934 goivojuvvon sámeváinnit. Seremoniija sáhttá čuovvut ja dasa sáhttá searvat lávus stream-sáddaga bokte dmu 18 rájes. Mieđušteaddjiid joavku lea uhci servoša sávaldaga, sáhtu kapasitehta ja dorvvolašvuođa ja sullo erošuvdnaáitaga dihtii.
Dilálašvuhtii lea lágiduvvon Njellimis Avvila bokte sáhttu, masa sáhttá almmuhit iežas ovddalgihtii 5.8. dmu 14 rádjái Anára searvegotti girkohearrá virgedoaimmahahkii (inarin.seurakunta@evl.fi, p. 0407604202).
Mánnodatiđit Máttajávrri gáttis
Mánnodaga 8.8.2022 dmu 10 rájes Ohcejoga Máttajávrri gáttis, Bassi Ulriika girku hávdeeatnamis luitojuvvojit eatnamii dán hávdeeatnamis jagiid 1882–1883 goivojuvvon sámeváinnit. Dilálašvuođa maŋŋá gáfestallat páhpagárdina šilljobirrasis.
Dilálašvuhtii lea lágiduvvon Njuorggámis, Badje-Deanus Guolnnás ja Gámasmohkis Gáregasnjárgga bokte sáhttu, masa berre almmuhit iežas maŋemustá 1.8. diakoniijabargi Arja Ollikainenii (arja.ollikainen@evl.fi, p. 0408446259).
Mánnodatveaigi Njellimis
Mánnodatveaigin 8.8. diibmu 15 rájes nuortalašváinnit hávdáduvvojit ođđasit Njellima ortodoksalaš hávdeeatnamii Nuortalaččaid siidačoahkkima sávaldaga mielde. Váinnit leat dolin goivojuvvon Beahcáma Báhčaveaijoga guovllus ja sin háliidit máhcahit sivdniduvvon eatnamii lahka Báhčaveaijoga. Hávdeeatnamis sirdašuvvat Njellima searvevissui gáfestallat.
Dilálašvuhtii lea lágiduvvon Njávdámis sáhttu, masa sáhttá almmuhit iežas ovddalgihtii Hanna-Maaria Kiprianoffii 6.8. rádjái (hanna.kiprianoff@gmail.com, p. 045 342 5338).
Dilálašvuođaid sáhttá čuovvut live-sáddaga bokte
Yle Sápmi sádde dilálašvuođaid Yle Areenas, ja daid sáhttá geahččat maiddái maŋálgihtii. Sáddagiid liŋkkat juhkkojuvvojit Yle Sámi (http://yle.fi/sapmi) ja Sámemusea Siidda (http://siida.fi) siidduin, ja dilálašvuođaid sáhttá čuovvut maiddái iežas ruovttudihtoriin.
Jaamišsuálui https://areena.yle.fi/1-63150130
Ohcejoga Bassi Ulriika girku hávdeeana https://areena.yle.fi/1-63150301
Njellima ortodoksalaš hávdeeana https://areena.yle.fi/1-63150311
Lassidieđut:
Eija Ojanlatva, vs. museahoavda, Sámemusea Siida, eija.ojanlatva@samimuseum.fi, tlf. 040 1676 145 ja Erva Niittyvuopio, sámebarggu čálli, Oulu bismagotti duopmokapihttal, erva.niittyvuopio@evl.fi, p. 040 7690 044
Sámemusea ja Davvi-Sámi luondduguovddáš Siida bovde buohkaid ávvudit rahpanvahkkui 1.6.-4.6.2022
Sámemusea ja Luondduguovddáš Siida Enâmeh láá mii párnááh – Eatnamat leat min mánát -čájáhusa rahpaseami ja vuođđodivoduvvon Siidda ávvudit gaskavahku 1.6.2022. Rahpanbeaivve Siida lea buohkaide rabas. Siiddas lágiduvvo ođđa čájáhussii laktáseaddji prográmma gitta lávvardahkii 4.6. Siida lea loahppavahku rabas álbmogii temábeivviin ja bovdejuvvon čuozáhatjoavkkuin fuolatkeahttá. Buot guossit leat buresboahtán.
Rahpanvahku dárkilut prográmma gávdno dáppe ja sosiála medias. Mii doalahit rievtti prográmma rievdadusaide. Siidda museagávpi SiidaShop bálvala ođasmahtton gávpesajis Siidda rabasáiggiin ja neahttagávpi čujuhusas www.siidashop.fi. Gávppis leat rahpanfálaldagat ja ođđa buktagat 1.6. rájes. Restoráŋŋa Sarrit bálvala maiddái rahpanvahkus.
Lassidieđut:
Rahpandoaluid koordináhtor Pia Nikula, 040 621 2663, pia.nikula(at)samimuseum.fi
Prográmma
Gaskavahkku 1.6
Dmu 10-16 buohkaide rabas rahpandoalut
Dmu 10 Enâmeh láá mii párnááh – Eatnamat leat min mánát -čájáhus rahpasa
Dmu 11 Musihkkaboddu: Wimme
Dmu 12 Čájáhusa áššedovdit ja dáiddárat deaivanláhkái čájáhusas
Dmu 13 Musihkkaboddu: Čaʹppesrääʹstes
Dmu 14 Čájáhusa áššedovdit ja dáiddárat deaivanláhkái čájáhusas
Dmu 15 Musihkkaboddu: Satu Aikio
Dmu 16 Čájáhus ja olgomusea giddejuvvojit
Dmu 16.30 Áššehasbálvaleapmi ja SiidaShop giddejuvvojit
Dmu 10-18 Restoráŋŋa Sarrit bálvala
Dmu 18-21 Bovdejuvvon gussiid dilálašvuohta
Duorastat 2.6
Dmu 9-18 Siida rabas
Mánáid ja nuoraid beaivi – temái laktáseaddji prográmma ovddalgihtii almmuhan joavkkuide
Bearjadat 3.6
Dmu 9-18 Siida rabas
Ahkeolbmuid beaivi – temái laktáseaddji prográmma ovddalgihtii almmuhan joavkkuide
Dmu 17.30-19 Siidda auditoria, girjji almmustahttindilálašvuohta – Veli-Pekka Lehtola: ”Entiset elävät meissä: Saamelaisten historiat ja Suomi”. Dilálašvuhtii lea rabas sisabeassan.
Lávvardat 4.6
Dmu 9-18 Siida rabas
Dmu 11 Čájáhusa áššedovdit ja dáiddárat deaivanláhkái čájáhusas
Dmu 13 Čájáhusa áššedovdit ja dáiddárat deaivanláhkái čájáhusas
Dmu 15 Čájáhusa áššedovdit ja dáiddárat deaivanláhkái čájáhusas
Jovnna Laiti ovdanbuktá su duodjemaster dutkamuša. Dutkamuša namma lea “Ádja áddjás árbi”. Linkki striimiin.
Áigeguovdilis dutkanfáttát gáidduslogaldallamin
Sámemusea Siida lágida dálvebajis logaldallanráiddu, mas ovdanbuktojuvvojit sámekultuvrii laktáseaddji áigeguovdilis dutkanfáttát. Beasat gullat áššedovdilogaldallama miellagiddevaš fáttás juohke mánus juovlamánus njukčamánnui. Fáttát ja logaldallit almmustahttojit álo lagabus logaldallama. Áigeguovdilis listtu ja oassálastinrávvagiid gávnnat min neahttasiidduin siida.fi.
“Ádjá áddjás árbi”
Dutkamuš giehtadallá duojára beaggima huksema ja turisma ja duoji gulahallama. Laiti lea doallan duodje- ja dáiddačájáhusa Sámemusea Siiddas álgojagis 2019, mas son lea jearran máhcahusa dan gehččiin. Dán máhcahusa vuođul son lea dahkan su masterdutkamuša.
Jovnna Laiti lea duojár ja Sámi oahpahusguovddáža duodjeoahpaheaddji. Ovdanbuktin lea davvisámegilli ja dilálašvuohta bistá sullii diimmu.
Bures boahtin!
Govva: Jouni Laiti
Čoakkáldaga máhcaheami, ođđa čoakkáldatovttadaga ja Sámemusea ja Luondduguovddáš Siidda vuođđodivvuma geažil šaddá vejolažžan searvvušlaš čoakkáldatbargu ja dávvirdutkamuš. Bures boahtin dovdát olbmuid ja báikkiid boares govain, oahpásmuvvat čoakkáldatdávviriidda ja muitalit vejolaš sávaldagaid oktasaš čoakkáldatbargui.
Sámemusea Siida ja SámiSoster rs lágideaba sámeguovllus searvvušlaš giliturnea 16.3.–7.4.2022. Turneas johtet giliin čuovvovaš ortnega mielde: Vuohčču, Čeavetjávri, Heahttá, Gárasavvon, Njellim ja Ohcejohka. Mannan čavčča ávvuduvvui, go viiddes sámečoakkáldat máhcai ruoktot. Čoakkáldaga máhcaheami, ođđa čoakkáldatovttadaga ja Sámemusea ja Luondduguovddáš Siidda vuođđodivvuma geažil lea vejolaš dahkat ođđalágan searvvušlaš čoakkáldatbarggu ja dávvirdutkamuša. Dáid olis háliidit gullat servoša oainnuid boahttevuođa čoakkáldatbarggus.
Searvvušlaš giliturnea ulbmilin lea guldalit servoša sávaldagaid ja dárbbuid boahttevuođa searvvušlaš barggus, ovdanbuktit Sámemusea Siidda doaimmaid ja muitalit Sámemusea ja Luondduguovddáš Siidda viiddideami ja vuođđodivvuma bokte šaddan vejolašvuođain. Dilálašvuođain čájehit govvačájáhussan boares govaid, maidda sávvat servošis veahki váilevaš dovddaldat- ja báikedieđuide. Dan lassin mielde leat sámemusea Siidda čoakkáldagain moadde dávvira báikegottis. Ođasmahtton Siida rahppo 1.6.2022.
Vuohčus, Heahtás, Gárasavvonis, Njellimis ja Ohcejogas dollojuvvo SámiSostera eallilan olbmuid joavkodoaimmaid olis beaivedilálašvuohta. Eahketdilálašvuođat álget dmu 17 ja dáhpáhusas guossohit gáfe. Dilálašvuođaide lea friija sisabeassan. Buohkat leat lieggasit bures boahtán!
Dilálašvuođat
Gas 16.3. dmu 17 Vuohčču, Vuohču skuvla
Duo 17.3. dmu 17 Čeavetjávri, Čeavetjávrri skuvla
Vuoss 21.3. dmu 17 Heahttá, Luovatupa
Maŋŋ 22.3. dmu 17 Gárasavvon, Gárasavvona skuvla
Gas 6.4. dmu 10 Njellim, Njellima Kerhotalo (Spiehkastat: Dušše beaivedilálašvuohta)
Duo 7.4. dmu 17 Ohcejohka, Ohcejohnjálmmi skuvla
Govva: Sámemusea Siidda čoakkáldagat
Lassidieđut
museapedagoga Milla Pulska, Sámemusea Siida, milla.pulska(at)samimuseum.fi, tlf. 0406721181
álbmotdoaimmavástideaddji Pia Nikula, Sámemusea Siida, pia.nikula(at)samimuseum.fi, tlf. 040 621 2663
Vuárkká keččâmnáál 15.2.2022 räi Youtubest.
Áigeguovdilis dutkanfáttát gáidduslogaldallamin
Sámemusea Siida lágida dálvebajis logaldallanráiddu, mas ovdanbuktojuvvojit sámekultuvrii laktáseaddji áigeguovdilis dutkanfáttát. Beasat gullat áššedovdilogaldallama miellagiddevaš fáttás juohke mánus juovlamánus njukčamánnui. Fáttát ja logaldallit almmustahttojit álo lagabus logaldallama. Áigeguovdilis listtu ja oassálastinrávvagiid gávnnat min neahttasiidduin siida.fi.
Sámedávvirčoakkáldagat, historjá, dáláš ja boahtteáigi
Ovdanbuktimis jođihan guldaleaddjiid Suoma Álbmotmusea sámedávvirčoakkáldagaid historjjá čađa ovtta dávvira, ládjogahpira eallingearddi bokte. Guorahalan maiddái gahpira mearkkašumi dálá áiggis ja boahtteáiggis. Jearan, makkár mearkkašumiid sámemuseai máhcahuvvon čoakkáldat sáhttá sisttisdoallat?
Logaldalli lea Eeva-Kristiina Nylander, nákkosgirjjidutki, Giellagas-instituhtta ja prošeaktahoavda, Sámi Musea Siida. Logaldallan lea suomagillii ja dilálašvuohta bistá sullii diimmu.
Govva: Eeva-Kristiina Nylander
Áigeguovdilis dutkanfáttát gáidduslogaldallamin
Sámemusea Siida lágida dálvebajis logaldallanráiddu, mas ovdanbuktojuvvojit sámekultuvrii laktáseaddji áigeguovdilis dutkanfáttát. Beasat gullat áššedovdilogaldallama miellagiddevaš fáttás juohke mánus juovlamánus njukčamánnui. Fáttát ja logaldallit almmustahttojit álo lagabus logaldallama. Áigeguovdilis listtu ja oassálastinrávvagiid gávnnat min neahttasiidduin. Linkki striimiin
Dološ boazodoalu arkeologiija
Goas boazodoallu álggii ja mo dat lea rievdan jahkečuđiid áigge? Dáidda jearaldagaide mii fidnet vástádusaid erenomážit arkeologalaš dutkamušain, dasgo historjjálaš gáldut boazodoalu álgomuttuin gávdnojit dušše vehá. Logaldallan čalmmustahttá boazodoalu álgomuttuid, boazodoalu ovdáneami ja boazodoalu mearkkašumi sámekultuvrii ruovdeáiggi rájes arkeologalaš materiála bokte.
Logaldalli lea veahkkeprofessor Anna-Kaisa Salmi Oulu universitehtas. Logaldallan lea suomagillii ja dilálašvuohta bistá sullii diimmu.
Govva: Anna-Kaisa Salmi
Aanaar kieldâ koronatile tiet tábáhtus lii maasâdkeessim.
Boađe mielde lávlut čábbásamos sámegielat juovlalávlagiid Sámemusea Siidda olgomuseai, Itnetvári stohpui. Báikki alde lea sámebáhppa Mari Valjakka. Čoahkkanat vuos Siidda šiljus ja das joatkit olgomusea stohpui dmu 17.
Mii sáhteš leat buoret vuohki álggahit juovllaid go lávlut sámegielat juovlalávlagiid dološ stobus.
Guossohat gáfe. Sisabeassan nuvttá.
Bures boahtin!
Ordnejeaddjit Sámemusea Siida ja Anára searvegoddi