Viiddideapmi ja vuođđodivvun

Sámemusea ja Luondduguovddáš Siidda viiddidan- ja vuođđodivodanfitnu vuosttas muddu lea gárvvis. Sámemusea Siidda čoakkáldatsajit ja restoráŋŋaoassi lea luobahuvvon fitnu hukseheaddjái ja giddodaga oamasteaddjái Senaatti-giddodahkii 12.5.2021 ja Sámemusea Siida lea váldán sajiid atnui. Váldohuksejeaddjin viiddidanfitnus lea leamaš anárlaš Rakennusliike Rekonen Oy.

Sámemusea ja Badje-Sámi luondduguovddáš Siidda vuođđodivodan- ja viiddidanbarggut Anáris ovdánit plánaid mielde. Bargguid 1. muttu viiddanbarggut gárvvásmuvvet áigetávvala mielde miessemánus 2021 ja 2. muttu musea- ja luondduguovddášdálu nuppástus- ja vuođđodivodanbarggut vulget johtui dan maŋŋá.  Huksejeaddjin lea Senaatti-giddodagat ja Siida-dálu nuppástus- ja vuođđodivodanbargguid huksen- ja váldoagoartan lea válljejuvvon Sakela Rakennus Oy.

Sámemusea ja Badje-Sámi luondduguovddáš Siidda divodan- ja viiddidanfidnu ovdána plána mielde. Fidnu hukseheaddjin lea Senaatti-giddodagat ja viiddidanbargguid váldohuksejeaddjin lea válljejuvvon Rakennusliike Rekonen Oy. Huksensoahpamuš vuolláičállui 11.5.2020. Huksenbarggut vulget johtui dalán.

Sámemusea ja Davvi-Sámi luondduguovddáš Siida divoduvvo ja viiddiduvvo jagiid 2020-2022 áigge. Senaatti-giddodagaid stivra lea dahkan fidnu investerenmearrádusa 18.12.2019. Senaatti giddodagat oamasta Siida-dálu. Sámemuseavuođđudus lea Siida-dálu váldoláigolaš ja láigoha sajiid ja lanjaid fas viidásabbot Luondduguovddážii ja Restoráŋŋa Sarrihii.

Duo 9.1.2020 dii 17-18:30

Sámemusea ja luondduguovddáš Siida ođasmuvvá 2020-2022. Bures boahtin gullat Siidda viiddidan- ja vuođđodivvunprošeavtta birra, sihke dasa gullevaš plánaid ja áigedávvaliid birra.