Jovnna Laiti ovdanbuktá su duodjemaster dutkamuša Sámemusea Siiddas 16.1.2020 diibmu 18:00. Dutkamuša namma lea “Ádja áddjás árbi”
Dutkamuš giehtadallá duojára beaggima huksema ja turisma ja duoji gulahallama. Laiti lea doallan duodje- ja dáiddačájáhusa Sámemusea Siiddas álgojagis 2019, mas son lea jearran máhcahusa dan gehččiin. Dán máhcahusa vuođul son lea dahkan su masterdutkamuša.
Ovdanbuktin lea davvisámegilli ja dat dulkojuvvo suomagillii.
Boađe mielde lávlut čábbásamos sámegielat juovlalávlagiid gaskaváhku 18.12.2019 dmu 17 Sámemusea Siidda olgomuseai, Itnetvári stohpui. Báikki alde leat girkohearrá Tuomo Huusko, sámebáhppa Mari Valjakka ja kántor Raimo Holappa. Čoahkkanat vuos Siidda šiljus ja das joatkit olgomusea stohpui dmu 17.
Mii sáhteš leat buoret vuohki álggahit juovllaid go lávlut sámegielat juovlalávlagiid dološ stobus.
Guossohat gáfe. Sisabeassan nuvttá.
Bures boahtin!
Ordnejeaddjit Sámemusea Siida ja Anára searvegoddi
Siida lea fas ovttasbarggus Skábmagovaiguin.
Lasi dieđuid ja maŋimuš ođđasat Skábmagovat.fi
Siida lea fas ovttasbarggus Skábmagovaiguin.
Lasi dieđuid ja maŋimuš ođđasat Skabmagovat.fi
Prográmma dievasmahttojuvvo maŋŋeleappos. Orndejeaddji: Sámemusea Siida
Sámemusea ja luondduguovddáš Siida lea guovddáš dáhpáhusbáiki Anáris. Mii ordnet jahkásaččat sámekultuvrii ja davviguovllu lundui laktáseaddji dáhpáhusaid iešguđetge gillii. Iežamet buvttadeami lassin mii ordnet dáhpáhusaid maid ovttasbarggus earáiguin.