Nuppástuvvi dálkkádat – Makkár lea árktalaš boahttevuohta?

Meahciráđđehusa Luonddubálvalusaid ollašuhttán Nuppástuvvi dálkkádat – Makkár lea árktalaš boahttevuohta? -čájáhus buktá ovdan konkrehtalaččat, man jođánit davvi dálkkádat nuppástuvvá ja mo nuppástusat vuhttojit luonddus, ealliin ja olbmuid árggas. Čájáhusas gieđahallojuvvojit fáttát nugo otnon dálvvit, suddagoahtán jeahkit ja árktalaš šlájaid heahti.

Čuovga- ja jietnadáidda ja digitála málagovat ofelastet galledeaddji suokkardallat nuppástusaid mihttoláva ja man hearki davvi luondu lea. Dát barggut dahket dálkkádatárvalusaid dahje dálkkádatboahttevuođaid oidnosii ja bovdejit bisánit: mo orru geahččat boahttevuhtii, gos jahkeáiggiid ráját jávkagohtet ja eanadagat nuppástuvvet? Seammás loktejuvvojit ovdan sápmelaččaid oainnut– dálkkádatnuppástus ii leat dušše beare birasgažaldat, muhto dat váikkuha kultuvrii, ealáhusaide ja identitehtii.

Čájáhus buktá ovdan dálkkádaga dáfus buriid čovdosiid, mat ovddiduvvojit árktalaš guovlluin daid doarjjan geat johtet luonddus ja dikšot suodjalanguovlluid. Movttiidahttit čájáhusgussiid guođđit iežas dálkkádatlohpádusaideaset ja suokkardallat, mo dat unnimus dagut maiddái sáhttet váikkuhit oktasaš boahttevuhtii.

Čájáhus vuođđuduvvá Climate change communication and adaptation in Arctic protected areas, CLAP–prošeavtta (2024–2026) buvttadan dihtui ja buktá ovdan dálkkádatnuppástusa váikkuhusaid Suoma, Ruoŧa ja Norgga luonddusuodjalanguovlluin. Prošeakta lea ruhtaduvvon Interreg Aurora -prográmmas.

Nuppástuvvi dálkkádat – Makkár lea árktalaš boahttevuohta? -čájáhusa ollašuhtte ovttas Meahciráđđehusa Luonddubálvalusain Norrbottena leanaráđđehus Ruoŧas ja Ráissa álbmotmeahcci ja Finnmárkku fylkkadiggi Norggas. Loga lasi CLAP-prošeavttas: https://www.metsa.fi/projekti/clap/

Jaskes loktaneapmi -dáiddabihttá Govva: Jussi Kamunen